Landsliðið til NM
Fríggjadagin fór okkara landslið í amboðsfimleiki til Íslands at umboða Føroyar til NM (Nordisk Mesterskab) í Kópavági. Kappast varð ígjár og í dag, og møguleiki er at síggja úrslitini beinleiðis á hesum leinki: Live Score – Sport Event Systems Leinki til live stroyming finnast her: NM 2022 – fimleikasamband.is
Í føroyska hópinum eru 13 fimleikarar, 6 menn og 7 kvinnur. Venjari hjá monnunum er Djóni Zakarisson og hjá kvinnunum er Camelia Michaela Mindriel venjari og Marjun Jacobsen hjálparvenjari. Londini sum eru til hesa kappingina eru Ísland, Danmark, Noreg, Svøríki, Finland og so Føroyar.
Fimleikasambandið er sera spent til hesa kapping, tí gongdin í føroyskum fimleiki hevur verið góð. Tað eru bert nakrar fáar vikur síðan, at vit sóu fleiri av okkara fremstu fimleikarum kappast í Danmark við sera góðum úrslitinum.
Fimleikasambandið ynskir øllum bestu eydnu til kappingina.