Lýsing
Lýsing
Lýsing
Kurteisvitjan hjá borgarstjóranum, nú Ágústa Gísladóttir nýliga er sett í hetta starvið í Føroyum | Mynd: Dávur Winther

Íslendski aðalkonsulin á vitjan

SKRIVAÐ: Tekstur og myndir: Dávur Winther  |  14.09.2022 - 14:28 Mentan Tíðindi Vinna

Í dag var íslendski aðalkonsulin í Føroyum, Ágústa Gísladóttir á vitjan hjá borgarstjóranum, Karl H. Johansen.

Talan var um eina kurteisvitjan, nú Ágústa Gísladóttir nýliga er sett í hetta starvið í Føroyum. Við í ferðini var eisini Brynja Ósk Birgisdóttir, skrivari á sendistovuni. Tey prátaðu m.a um embætini bæði, um vinnuna, íverksetanarhúsið og mentan í breiðari merking í Klaksvík.

Eisini um virksemið hjá Ágústa Gísladóttir í Íslandi innan gransking og menning í fiskivinnuhøpi – serliga hágóðsking av fiskavørum, og at hon hevði skiftivís arbeitt í Afrika sum serkøn í eini 28 ár.

Síðani sóu tær eina kunnandi framløga um Klaksvík í breiðum høpi - eisini um vinarbýirnar, har Kópavogur og Klaksvík eru vinarbýir.

Victor

Eftir vitjanina varð farið í Mentanarhúsið, Varpið, har høvið var til eitt stutt prát við ”føroyska sendimannin á Ástjørn í Íslandi”, Victor Dánjalsson. Tær vóru hugtiknar av hansara arbeiði í samfull 45 ár á Ástjørn.

Fysta árið Victor fór til Ástjørn var í 1977. Síðani hevur hann verið har yviri hvørt einasta ár og onkuntíð upp í tríggjar ferðir – longsti steðgurin har yviri hevur verið átta viku.

Á Ástjørn eru barnalegur hvørt summar og hava Victor og hópin av føroyingum, sum hann hevur biðið hjálpt til, verið har yviri og umvælt, útbygt og gjørt ábøtur, so legurnar hava kunnað verið og mennst eisini øll hesi árini.

Elinborg

Ágústa Gísladóttir og Brynja Ósk Birgisdóttir vóru hugtiknar av mentanarhúsinum og hildu hetta húsið kundi hava nógv ymiskt og spennandi at bjóða í framtíðini.

Áðren leiðin aftur lá til Tórshavnar, vildu tær sleppa at heilsa uppá standmyndina av Elinborg Lützen.

Lýsing
Seinastu tíðindini
Ferðalag úr Lettlandi vitjaði Klaksvíkar…
Stangavegu­rin letur upp aftur
Kollafjarðar­tunnilin stongdur eina løtu
Vitlíki sum virkisstuðul í fíggjardeildu…
Leiðarin á Skálagarði frítstillað
Atlantis: Konsert við Jens Marna Hansen…
Megna Føroyar at vinna á Íslandi á heima…
Stuðuls­konsert, eydnuhjól og café
TARIRA enn eina frálíka konsert í Varpin…
Norð­oyastevnuteitið farið á flog
Tjóðlaða­rin úr Fuglafirði
Absalon Matras 80 ár
Mjølnir kvinnur umboða Føroyar
Juvel farin á trúboðaraferð til Grønland…
Lands­stýrið forðar fyri innovatión innan…
Skal samstarv millum almennar stovnar av…
Vinnulívs­fólk og eldsálir bygdu okkara l…
KÍ hongur í Víkingi og HB
Eg havi lært ongantíð at geva upp
Stóra tøkk til tykkum, sum hava latið MR…