Lýsing
Lýsing
Lýsing
Mynd: Árni Jacobsen

Veðrið um vikuskiftið

SKRIVAÐ: Hanus Kjølbro  |  30.09.2022 - 16:10 Tíðindi Veðrið

Hetta vikuskiftið fer eitt djúpt lágtrýst, sum stendur yvir Íslandi, at sleingja bæði regn og vind ímóti okkum. Serliga ringt hevur verið í dag. Í morgin er ikki so nógvur vindur sum í dag, men tað fer at vera vátt næstan alla tíðina.

Sunnudagin er framvegis eitt sindur eftir, men nakað eftir døgurðatíð er bæði minni vindur og turt.

Meira ítøkiligt so hevur tað verið ringt veður í nátt og í morgun – nógv regn og heilt fitt av vindi av landsynningi. Vindurin er nú minkaður nakað, og ættin er stokkin vesturum til útsynning, vindferðin liggur um 8 til 13 m/s. Tað regnar enn, men ikki líka nógv sum í morgun.

Í kvøld lækkar hann niður í sunnan, og vindurin fer seinni at minka niður í 5 til 10 m/s. Í nátt er vindferðin 3 til 8 m/s, og soleiðis verður tað til nakað eftir middag í morgin. Skiftandi skýloft og ælaveður.

Út á seinnapartin í morgin gongur hann upp í útsynning, meðan vindferðin fer upp í 8 til 13 m/s. Framvegis skýggjað og enn ælaveður ella regn.

Sunnunátt veksur vindurin av útsynningi, og um morgunin gongur hann uppeftir. Á middegi eru 10 til 15 m/s av vestri, enn skýggjað og ælaveður. Út á seinnaprtin fer vindurin at minka, og tað fer at slíta í. Á nátturðatíð er vindferðin komin niður í 3 til 8 m/s. Um kvøldið lækkar hann niður í útsynning.

Lýsing
Seinastu tíðindini
Hava skrivað undir sáttmála um liðugtger…
Nú eru dystirnir hjá KÍ móti Differdange…
Eg skilji ikki, at ungir menn ikki halda…
Vónin samtakið er í vøkstri
Burturkastkunngerðin er longur burtur nú…
Joan Kannuberg sett sum einalærari í Hús…
Tá Jøkul varð sjósettur
Greining: Útlendsku starvs­fólk­ini stóran…
Nýggj frímerki frá Posta í dag, 24. juni
Klaksvík­ingur fekk debut í bestu deildin…
Tað gráa gullið – nýti arbeiðsmeg­ina hjá…
Hvør er Joseph Michael Williams?
Málninga­framsýning við Elisabeth á Bakka…
KÍ er nú endaliga úti av FM-stríðnum
KÍ fingið styrk til álopspartin
Hetta var ikki okkara dagur - KÍ tapti 0…
18 mánaðir – har vit hava loyst hvønn da…
Upptakt: HB-KÍ
Seinastu sluppir­nar í Klaksvík fóru alla…
120 børn á Másheyggi