Lýsing
Lýsing
Tað regnar illa í dag. Kavin, sum er komin niður í vikuskiftinum, fer. Mikudagin verður aftur kaldari, og eftir tað er avfallið kavi. | Mynd: Undirritaði

Veðrið í vikuni

SKRIVAÐ: Hanus Kjølbro  |  19.12.2022 - 07:19 Tíðindi Veðrið

Eitt lágtrýst liggur einar 400 fjórðingar vestan fyri Føroyar, og eitt brúgvalag haðani við nógvum regni liggur yvir Føroyar í morgun. Tað fer at regna allan dag, slítur ikki í fyrr enn í nátt. Samstundis rekur lýggj luft yvir Føroyar sunnaneftir í dag og í morgin og mikunáttina eisini.

Mikudagin fer lágtrýstið at ganga eystureftir sunnan fyri Føroyar. Tá kemur kalda høgættin aftur og er til nakað inn í næstu viku – t.v.s. øll jólini. Ikki nógv kavaavfall seinnapartin í vikuni, tó løtur við ælaveðri.

Veðrið hetta til fríggjadagin – dag fyri dag:

Mánadag: Eystan, 15 til 20 m/s, skýggjað og regn. Út á fyrrapartin minkar vindurin, á middegi eru 3 til 8 m/s, og ættin fer seinnapartin so við og við niður í landsynning og seint í kvøld niður í sunnan. Skýggjað og regn allan dagin.

Hitin mánadagin fer úr 3 stigum í morgun upp í 10 stig í kvøld.

Týsdag: Sunnan, 3 til 8 m/s, smáskýggjað og ælaveður um náttina, sum líður út á morgunin aftur skýggjað og regn.

Hitin týsdagin fer at liggja millum 4 og 9 stig.

Mikudag: Um náttina sunnan, 3 til 8 m/s, skýggjað og regn. Fyrrapartin gongur hann upp í eystan og so landnyrðing. Vindurin fer at veksa út á seinnapartin upp í 13 til 18 m/s, skýggjað og regn, men sum frálíður ælingar við kava.

Hitin mikudagin fer at liggja úr 3 til 8 stig fyrrapartin og eitt sindur út á seinnapartin. Eftir tað fer tað at kølna nøkur stig, niður í umleið 5 stig.

Hósdag: Landnyrðingur, 10 til 15 m/s, sum út á fyrrapartin minkar niður í  8 til 13 m/s. Luftin verður eitt sindur klárari – t.e. skiftandi skýloft og kavaæl. Út á seinnapartin og um kvøldið minkar vindurin enn meira, og ættin hækkar upp í norðan. Á midnátt eru undir 5 m/s av norði, skýggjað og kavaælingar.

Hitin hósdagin fer at liggja um 1 til 4 stig. Um náttina minus 2 stig.

Fríggjadag: Norðan, undir 5 m/s, skýggjað og kavaæl.

Hitin fríggjadagin fer at liggja úr minus 2 stigum upp í pluss 4 stig.

So er tað vikuskiftið við jólunum. Veðrið á jólum í ár fer yvirhøvur at vera soleiðis, at vit fara at hava høgætt við kulda og kavaælingur.

 

Lýsing
Seinastu tíðindini
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin