Umleið 6.500 fólk hava vitjað breytina á hesum sinni, sum er ein lítil øking í mun til hini árini.  Vitjanartølini vísa, at tað er serliga væl umtókt at skoyta í desember mánað og upp undir jól. Í januar hava tað serliga verið nógvir skúlar, frítíðarskúlar, barnagarðar og onnur, ið hava leigað skoytubreytina fyrrapartar.

Annars kann sigast, at tað altíð eru nógv vitjandi í vikuskiftinum, og gestirnir koma úr øllum landinum, so samanumtikið má sigast, at undirtøkan fyri skoytubreytuni hevur verið góð.

Fram til 12. februar hevur skoytubreytin opið soleiðis:
Mánadag – fríggjadag: 15.00 – 20.00
Leygardag: 10.00 – 20.00
Sunnudag: 15.00 – 20.00

Prísurin er 30 kr. pr. persón
Til ber at leiga skoytubreytina gerandisdagar frá kl. 08.00 til. 15.00. Prísur fyri at leiga skoytubreytina er 800 kr pr. tíma. Eru talið á vitjandi omanfyri 25 fólk, er leigu-kostnaðurin 1.200 kr. pr. tíma.