Lýsing
Lýsing

Ein eyðkendur viðingur við Garðavegin

SKRIVAÐ: Jákup Andreasen  |  05.02.2023 - 12:28 Mentan Tíðindi

Frá barnaárum minnist eg serliga tveir menn við Garðavegin, sum altíð ella næstan altíð vóru í føroyskum búna í koti og knæbuksum. Annar var Julius Jacobsen, sum í Klaksvík bara varð nevndur Julius á Viðareiði, og hin var Óli Wolles, abbi á Trøllanesi, sum búði heima hjá okkum í eldri árum. Á myndini sæst Julius saman við konuni Súsonnu Margrethu og eini smágentu, sum eg ikki kenni.

Julius (1884-1973) og Súsanna Margretha (1889-1977) vóru bæði ættað av Viðareiði. Tey giftust í 1911 og bygdu sær hús á Kyrjarheyggi á Viðareiði, har tey høvdu fingið eina trøð. Men seinni róði Julius út í Klaksvík , og tá var tað rættiliga óhøgligt at búgva á Viðareiði. Tí fluttu tey til Klaksvíkar at búgva miðskeiðis í 1940unum. Tey búði omanfyri Garðavegin sunnanvert kontórið hjá Kjølbro saman við elststu dóttrini Rikku og manni hennara Fríðriki Absalonsen og teirra børnum.
Ídag kann tað virka eitt sindur løgið, tað teir gomlu høvdu sum undirhald, men tey høvdu bara tað, sum tey sjálvi funnu upp á. Í yngri árum var Julius tiltikin djarvur bjargamaður, og hetta kynstrið vildi hann gjarna vísa viðingum.

Handilin á Brekkumørk hevði spent ein rennistrong av bakkanum og oman á helluna, sum var rættiliga langur og brattur. Á Viðareiði tosaðu menn sum, hvør teirra tordi at lesa seg oman eftir rennistronginum, og tað var bara Julius, sum bjóðaði seg fram. Hann lesti seg hond fyri hond allan vegin oman eftir stronginum. Teinurin var langur, og ofta var hann høgt uppi, so um hann misti takið, var deyðin vísur. Men hetta bragdið gjørdi Julius. Nógv fólk var komið og hyggja at.

Sum smádrongur minnist eg best Julius, tá hann talaði í Betesda miðskeiðis í 1960unum. Eg veit ikki, um hann var merktur av sjúku ella av elli, men eg minnist, at eg skilti ella hoyrdi lítið av tí, sum hann segði. Hjá honum var tað helst bara viljin at vitna, sum dreiv verkið.

Jóhan Purkhús tók myndina, og eg haldi, at Jóhan var “imponeraður” av djørvum bjargamonnum. Sjálvur var hann ein av teimum djarvastu.

Lýsing
Seinastu tíðindini
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin
Slóðbrót­andi semja um tøkugjald