Magne Hoseth: Nógvir KÍ-leikarar høvdu klárað seg í bestu norsku deildini
(Úr Norðlýsinum fyri einari viku síðani)
Hava stigið til bestu deildina í Norra
Vit spyrja venjaran, hvar KÍ-leikararnir eru í mun til norskan fótbólt.
- Tað eru nógvir leikarar, sum høvdu klárað seg væl í bestu norsku deildini, tað eri eg 100 prosent vísur í. Tað er ein onnur leikferð, og tað krevur nakað, men við eitt sindur av tilvenjing á ein-tríggjar mánaðir, so høvdu fleiri av mínum leikarum gjørt tað gott í Elituseriuni. Eg vóni, at tann vegurin verður enn styttri eftir, at eg og Daniel hava verið her. Vit leggja dent á nøkur onnur ting enn KÍ gjørdi í fjør. Tað er innan tekniska og taktiska partin, har tað m.a. snýr seg um yvirblikk. Vit arbeiða nógv við, hvat man ger beint áðrenn man fær bóltin, og hvat man skal gera við bóltin, tá man hevur hann. Har er størst potentiali at blíva betri. Nærdystir og agressivitetur er uppá pláss. Fyri meg er tað m.a. týdningarmikið, hvussu leikararnir útføra m.a. avleveringarnar tekniskt og allatíðina hava nóg góða tíð til at senda avleveringarnar avstað. Tað eru smálutir, sum krevja avleveringsvenjingar. Og so skulu vit seta saman eitt lið, sum er klárt til landskappingina, Evropa og steypakappingina.