Lýsing
Lýsing
Lýsing

Farna árið hjá Smyril Line

SKRIVAÐ: Jóhann Lützen  |  24.03.2023 - 16:57 Tíðindaskriv Vinna

Smyril Line hevði ársaðalfund á Hotel Hafnia í dag. Á fundinum varð ársfrágreiðingin fyri 2022 løgd fram.

 

Árið 2022 var eitt merkisár, har Smyril Line hátíðarhelt 40 ára stovningardagin. Smyril Line varð stovnað tann 1. november 1982. Í 1983 varð ferjan Gustav Vasa keypt og navngivin Norröna og sett í sigling.

Hesi 40 árini hava verið merkt av stórari menning innan ferðavinnu og farmaflutning.

Vit á Smyril Line hava átt ein leiklut í hesi menning og ynskja framhaldandi at arbeiða við at veita tryggar og góðar flutningsloysnir til ferðafólk og farm.

Í februar 2022 vórðu allar korona avmarkingar tiknar burtur. Tá kom aftur gongd í søluna av ferðaseðlum, ið kom aftur á sama støði sum áðrenn farsóttina.

Áleið 75% av søluni hjá Smyril Line til ferðafólk er av evropeiska meginlandinum. Størsti parturin av teimum ferðandi eru týskarar, danir, fraklendingar og hálendingar. Áleið 5% av søluni er í Íslandi og 20% í Føroyum. 

Farma- og ferðafólkavirksemið hevur sum heild hilnast væl. Siglingarætlanirnar eru broyttar fyri at fáa ein meira skynsaman rakstur, og til gagns fyri umhvørvið.

Stríðið í Evropa hevur havt við sær, at rutur eru niðurlagdar og nýggjar rutur byrjaðar. Broyting í ferðaætlanum, skipan av siglingarætlanum og betri gagnnýtsla av okkara útgerð hava spælt ein høvuðsleiklut í at betra um okkara útreiðslugrundarlag og minka um okkara umhvørvisárin.

Rakstrarúrslitið (EBITDA) var 201 mió. samanborið við 119 mió. í 2021. Úrslitið fyri 2022 vísti eitt yvirskot á 77 mió. eftir skatt, samanborið við 15 mió. í 2021. Starvsfólkatalið hjá Smyril Line samtakinum var 612 starvsfólk.

Søluútlitini í 2023 á bæði farma- og ferðafólkasíðuni eru rímiliga góð. Útlitini eru tengd at óvissum viðvíkjandi rentu- og oljukostnaði, inflatión og politiskum óvissum.

Smyril Line rindar onki vinningsbýti fyri 2022.

Tummas Justinussen, Hendrik Egholm og Arne Joensen vórðu afturvaldir í nevndina. Harumframt varð Helga á Borg vald í nevndina.

Lýsing
Seinastu tíðindini
Team Klaksvík fær vitjan av KÍF
Vit elska Klaksvík og KÍ
Stjørnan og EB sunnudagin kl. 13.30
Verður tað í morgin, at KÍ endur­vinnur F…
Nýggjur Gadus birtir vón
Frits væl fagnaður í Gallarí Havnará
ES-innflutn­ingur av russiskum flótandi n…
Umboð fyri Nes kommunu vitjaðu dagstovna…
Nýggjar kloakkir á Eiðinum
Russland og Ukraina samstarva um, at hal…
Bretar handla við Russland i milliardakl…
Hvar blivu lyftini um lættar og yvirskot…
Samstarvið við ES eigur at styrkjast
Fíggjar­lógin avspeglar máttloys hjá samg…
- Hetta veit vist nokk líka nógv um búsk…
Nordea-grunnurin vil stuðla við 100 mió.…
Býráðsminnilutin givið Anniku nevndarses…
Heimskendu Orphei Drängar vitja Varpið
Fíggjar­lógin 64 milliónir í halli
Leitar eftir upplýsingum um flatmaðk