Lýsing
Lýsing

Pabba fór til Havnar

SKRIVAÐ: Tíðindaskriv  |  24.03.2023 - 17:26 Politikkur Tíðindaskriv

Suðuroyingar skulu hava møguleika fyri at fara til talgildar viðtalur og samrøður á Suðuroyar sjúkrahúsi, og norðoyingar skulu hava somu møguleikar á Klaksvíkar sjúkrahúsi, so hesi sleppa undan at ferðast til Havnar óneyðugt

 

Suðuroyingar og onnur í útjaðaranum brúka heilar dagar í Havn fyri at fáa svar uppá eina blóðroynd. Tað er ikki neyðugt – latið okkum flyta hendan partin av heilsuverkinum inn í talgilda heimin, sigur Súsanna Bertholdsen, løgtingskvinna fyri Javnaðarflokkin.

Einaferð var tað Per, sum fór til Havnar at keypa sær vøttir. Strævið var at fara til Havnar í at gera ørindi, tí hann visti aldrin, nær Másin fór, og nær hann slapp heim aftur til Sands. Í dag hava vit eina álítandi ferðaætlan, men tað broytir ikki uppá, at best hevði verið, um fólk í útjaðaranum sloppu undan óneyðugari ferðing til Havnar. 

Í dag havi eg víst pabba runt á nýggja arbeiðspláss mínum í løgtinginum í Havn. Her hevur hann fyrrapartin heilsað uppá blíðar og fyrikomandi politikarar og onnur starvsfólk í húsinum. Í húsinum har landsins lógir verða smíðaðar. Í húsinum, har vit skulu virka fyri skapa best hugsandi samfelagið fyri allar føroyingar. Men í hesum sama húsi verður alt ov ofta gloymt, at Føroyar eru størri enn miðstaðarøkið. 

Alt ov ofta gloymir politiska skipanin okkum í útjaðaranum. 

 

Ein heilan dag heimanifrá

Pabba, sum býr á Tvøroyri, fór húsum frá tíðliga í morgun fyri at náa við Smyrli klokkan 07.00. Seint seinnapartin er hann heima aftur á Tvøroyri. Hann er sostatt ein heilan dag heimanifrá í dag. 

Og hvørji eru so hansara ørindi í Havn? Jú, hann skuldi til lækna við knæi sínum, eftir at hann er blivin skurðviðgjørdur fyri nøkrum mánaðum síðani. Tað er ein læknatíð, sum kravdi, at hann møtti upp í Havn, tí læknin hevði tørv á at síggja hann. Men í næstum skal hann aftur til Havnar. Tá er tað bert ein journalskriving sum er á skrá. Ein samrøða sum - við tí samskiftistøkni sum er tøk í dag - saktans kundi verið gjørd gjøgnum antin telefon ella interneti. Fleiri eru eisini dømini um suðuroyingar sum skulu brúka heilar dagar í Havn fyri at svar uppá eina blóðroynd. 

 

Tað eigur ikki at vera neyðugt. 

Suðuroyingar skulu hava møguleika fyri at fara til talgildar viðtalur og samrøður á Suðuroyar sjúkrahúsi, og norðoyingar skulu hava somu møguleikar á Klaksvíkar sjúkrahúsi, so hesi sleppa undan at ferðast til Havnar óneyðugt. 

Tí havi í skrivligum fyrispurningi spurt Margit Stóra, landsstýriskvinnu í heilsumálum, hvussu tað gongur at flyta heilsuverkið inn í talgilda heimin. Eg vóni fyri føroyingar í útjaðaranum, at hetta er nakað, politiska skipanin kann loysa.

 

Súsanna Bertholdsen
Løgtingskvinna fyri Javnaðarflokkin

Lýsing
Seinastu tíðindini
Konsert í Christians­kirkjuni
Ingi og Danny á OY Voxbotn 2023
Morgunsangur mikumorgunin 7. juni kl. 10…
Nýggj bók: Orð úr Orðinum
Seks növn afturat á G!
Sámal Petersen í húsunum hjá Nólsoyar Pá…
Hvussu verður veðrið restina av juni?
Sveinaprógvhandan á Tekniska Skúla
Hetta er pínligt, harra løgmaður!
Íløgurnar minka í Føroyum – vaksa í Skot…
Fatalar fylgjur fyri Pelagos
Norðoya Javnaðar­felag: Eykaaðalfundur
Tak leiðslu­útbúgving á masterstigi
Signa Vár luttekur í Virtus Global Games
Hvør betalur fyri at Eysturoyar­tunnilin…
Skrúðgongan og røðan sunnudagin
Nær skulu vit vænta at fáa eina integrat…
Veðrið í vikuni
Hagtølini hjá Páll í altjóða fótbólti sí…
Løgmaður villeiðir Føroya fólk