Í kvøld verður seinni dystur í 2. umfari í Champions League.

KÍ vitjar Häcken í Gøteborg. Fyrri dysturin í Føroyum endaði 0-0, har KÍ var nærri sigrinum. Hesaferð er KÍ á útivølli og vanliga merkir tað ein torførari dystur enn á heimavølli. Hjá KÍ eru Mads B. Mikkelsen og Páll A. Klettskarð skaddir, men hinvegin er Jonn Johannessen tøkur aftur. Hinir væntast tøkir, men fleiri eru helst ikki klárir til 90 minuttir.

Dysturin í Gøteborg byrjar kl. 18.00. Dómari verður Andrew Madley úr Onglandi, meðan David Coote úr Onglandi verður VAR-dómari.