Lýsing
Lýsing
Lýsing
Mynd: Oliver Joensen

Páll A. Klettskarð tryggjaði KÍ týdningarmiklan sigur á HB

SKRIVAÐ: Jákup Ósá  |  16.09.2023 - 10:21 Ítrottur Tíðindi

Góða gongdin hjá KÍ móti HB heldur fram.

Annað árið á rað fekk KÍ níggju av níggju møguligum stigum móti HB. Hetta hendi í einum spennandi dysti í Gundadali, har KÍ var betra liðið.

Fyrri hálvleikur var javnur við fáum málmøguleikum. HB eydnaðist at vinna bóltin langt frammi fleiri ferðir, men fekk ikki málmøguleikar burturúr, meðan Árni Frederiksberg hevði einasta stóra málmøguleikan hjá KÍ.

Í seinna hálvleiki komu málini. Árni Frederiksberg skoraði beinleiðis uppá horna, men løtu seinni javnaði Adrian Justinussen. Sigursmálið kom í 79. minutti, tá Jóannes K. Danielsen legði dagsins besta innlegg innfyri til innskifta Páll A. Klettskarð og hóast hann neyvan er meira enn hálvur í løtuni vegna skaðan, ið hann fekk á norðoyastevnu, so dugur hann at stýra innleggum í mál eins og vit sóu móti Víkingi.

Tað endaði 2-1, og samanlagt var tað uppiborið, at KÍ vann. Við sigrinum er KÍ átta stig frammanfyri HB við einum dysti færri. Ein avgerandi sigur, tí hevði HB vunnið, so var oddastríðið púra opið havandi dystarskránna hjá KÍ í huga.

 

Lýsing
Seinastu tíðindini
Vilja tryggja grund­arlagið undir bløðunu…
Veðrið í vikuni
Bæði Hávur liðini vunnu í dag 
Mjølnir gott hál í dag
Jonhard fyllir 70
Video: Watching the Smallest European Cl…
Eyðvør Klakstein bleiv ársins leikari hj…
Syngja jólini inn í Húsa kirkju
KÍ vann venjingardystin
Mjølnir í oddabraki í morgin
Ójavnin veksur í stórum
Fíggjar­mála­ráðið og Føroya Lærara­felag h…
Peninga­skipanin
Sangløta í Betesda leygarkvøldið
Frits: Tá ið kroppurin eldist
Haldið við jólatræið í Svínoy avlýst
KÍ spælir venjingardyst móti Víkingi í d…
Firmakappingin løgd
Sínámillum fiski­veiðiavtala millum Føroy…
Jól í Gamla Klakksvígshandli­num og ein v…