Team Klaksvík spældi í gjár sín søguliga fyrsta dyst í altjóða hondbólti. Hetta var í Bosnia & Hersegovina móti RK Sloboda. RK Sloboda vann 30-19 eftir hálvleiksstøðuna 15-7. Hjá Team Klaksvík kom tað eyka illa við, at lyklaleikarin Jens Pauli Poulsen mátti skaddur av vøllinum stutt eftir hálvleik. Tað vísti seg, at hann hevur slitið krossbandið og tískil spælir hann ikki aftur hetta kappingarárið.

Málini hjá Team Klaksvík skoraðu Brian Slyne (6), Beinir Johannesen (4), Jens Pauli Poulsen (3), Suni Dalsgaard (2), Jure Fistonic, Nikolay Bliznov, Dánjal Kjærbo og Ludvík Súnason.

Liðini spæla seinna dystin sunnudagin kl. 14.00.