Sunnudagin spælir KÍ móti Víkingi á heimavølli, og er hetta samstundis seinasti dystur í landskappingini í ár. Tí verður eisini steypahandan eftir dystin, men umframt alt hetta fer KÍ eisini at bjóða til ein spennandi fagnaðardag fyri alla familjuna.

Áðrenn dystin

Byrjað verður við einum stórum tiltaki í KÍ-høllini, sum byrjar kl. 13.00, har børn og foreldur kunnu fáa wienarbreyð, soft-ice, kaffi, te og sunkist. Eisini fáa børnini bláar bállónir frá Silva, ið eisini møtir upp til høvið.

Bæði vaksin og børn hava eisini møguleika at fáa sær andlitsmáling og koma í rættiligan KÍ-stemning.

Fyri at skjalfesta søguligu løtuna og gera hana ógloymandi, ber til at taka mynd við vakra myndaveggin, sum eisini er settur upp.

Áðrenn farið verður út á vøllin, fara Karl Martin Samuelsen, Steintór Rasmussen og Heini Ziska Dahl á pallin, har teir syngja nakrar sangir.

Undir dystinum

Røsku kaffi-damurnar hjá KÍ eru eisini í gávuhýri undir dystinum, og tí verður bjóðað ókeypis kaffi, te og okkurt gott afturvið.

Aftan á dystin

Vit heiðra besta liðnum hjá KÍ á vøllinum, har umboð fyri FSF fer at handa gullheiðursmerkir og steyp.

Tá handanin er liðug, verður farið inn í KÍ-høllina aftur, har bæði besta liðið hjá kvinnum og monnum verða heiðrað á pallinum.

Eisini verða aðrar heiðranir inni í KÍ høllini, har Martin Kjærbo fer at stýra tónleikinum.

Síðani bjóðar KÍ ókeypis pylsur og breyð við øllum, sum har tilhoyrir, og tá klokkan nærkast 18.30, fer Bill Justinussen eisini á pallin við sínum væl dámda undirhaldi.

Áðrenn dystin møta vit kl. 13.00 í KÍ-Høllini, og tiltakið í KÍ-høllini aftan á dystin endar umleið kl. 19.00.