Lýsing
Lýsing
Lýsing
Mynd: Maria Bjartalíð

Veðrið í vikuni

SKRIVAÐ: Hanus Kjølbro  |  02.01.2024 - 06:55 Tíðindi Veðrið

Hesa vikuna fara lágtrýst at vera sunnan fyri Føroyar. Tí fer ættin at liggja um landsynning og eystan. Ikki nógvur vindur – einki illveður.

Eingin heilt turrur dagur, regn ella ælaveður so at siga hvønn dag. Fyri tað mesta regn, men í løtum vátakavi í støðum.

Veðrið næstu 4 dagarnar – dag fyri dag:

Týsdag: Í morgun og seinnapartin fer ættin at vera av landsynningi. Vindferðin um 5 til 10 m/s, í støðum upp í 8 til 13 m/s, skiftandi skýloft og ælaveður. Í kvøld gongur ættin upp í eystan, og vindurin veksur upp í 10 til 15 m/s. Skýloftið framvegis skiftandi og ælaveður. Hitin í dag fer at liggja úr 4 upp í 7 stig.

Mikudag: Í nátt eru 10 til 15 m/s av eystri, í løtum 13 til 18 m/s, samdrigið og regn ella vátakavi. Út á fyrrapartin fer ættin niður í landsynning, og vindurin minkar niður í 5 til 10 m/s. Samdrigið loft og okkurt ælið. Soleiðis er veðrið restina av degnum, tó kann vindferðin onkra løtu vera 8 til 13 m/s, og um kvøldið stutt millum ælini. Hitin í morgin 4 til 7 stig.   

Hósdagin: Hósnáttina eru 5 til 10 m/s eystaneftir, skiftandi skýloft og ælaveður. Seinnapartin 8 til 13 m/s, samdrigið og ælaveður. Hitin hósdagin 3 til 7 stig.

Fríggjadagin: 5 til 10 m/s eystan, samdrigið og regn ella vátakavi. Í støðum upp í 8 til 13 m/s. Um kvøldið gongur ættin upp í norðan, tað er samdrigið og regn ella vátakavi. Hitin 2 til 7 stig.

Lýsing
Seinastu tíðindini
Ferðalag úr Lettlandi vitjaði Klaksvíkar…
Stangavegu­rin letur upp aftur
Kollafjarðar­tunnilin stongdur eina løtu
Vitlíki sum virkisstuðul í fíggjardeildu…
Leiðarin á Skálagarði frítstillað
Atlantis: Konsert við Jens Marna Hansen…
Megna Føroyar at vinna á Íslandi á heima…
Stuðuls­konsert, eydnuhjól og café
TARIRA enn eina frálíka konsert í Varpin…
Norð­oyastevnuteitið farið á flog
Tjóðlaða­rin úr Fuglafirði
Absalon Matras 80 ár
Mjølnir kvinnur umboða Føroyar
Juvel farin á trúboðaraferð til Grønland…
Lands­stýrið forðar fyri innovatión innan…
Skal samstarv millum almennar stovnar av…
Vinnulívs­fólk og eldsálir bygdu okkara l…
KÍ hongur í Víkingi og HB
Eg havi lært ongantíð at geva upp
Stóra tøkk til tykkum, sum hava latið MR…