Føroyingar hava nýliga vunnið á hálvfinalistum í dart
Luke Littler og Scott Williams eru í hálvfinaluni í World Championsship í dart, sum verður í kvøld. Báðir hava teir tapt móti føroyingum í 2022.
Men vit skulu bara aftur til WDF Europe Cup í 2022 (EM) fyri at finna dystir, har hesir báðir hava tapt móti føroyingum. Jan MacIntosh vann 4-1 á Scott Williams fyri einstaklingar og hevði eitt miðaltal á 103,9, sum er føroyskt met og sum var hægsta miðaltal í EM-kappingini. Í liðkappingini vann Uni Árting á Luke Littler og Jan MacIntosh vann eisini har móti Scott Williams.
Luke Littler hevur fingið nógva umtala hesa kappingina, tí hann er einans 16 ára gamal. Scott Williams er óvæntað í hálvfinaluni eftir at hava vunnið á Michael van Gerwen í fjórðingsfinlaluni. Í kvøld møtast Rob Cross-Luke Littler og Scott Williams-Luke Humpries í hálvfinalunum. Finalan verður í morgin.
Niðanfyri eru ’’dómaraseðlarnir’’ frá dystunum, har Jan og Uni vunnu á hálvfinalistunum.