Lýsing
Lýsing
Lýsing

Føroyameistarnir klárir frá byrjan

SKRIVAÐ: Tíðindaskriv  |  11.02.2024 - 14:27 Ítrottur Tíðindi

Ársins fyrsta kapping var á Skála um vikuskiftið, kappast var baði hjá monnum og kvinnum, 53 menn og 8 kvinnur vóru tilmeldaði og spenningurin var stórur nú dart árið 2024 fór av bakkastokki, nógv stendur fyri framman í ár, millum annað stóru altjóða kappingarnar Tórshavn Open og Faroe Islands Open, sum verða um 1  mánað, landsliðini skulu til baði norðulendska meistaraheitið í Íslandi og til EM í Slovakia, og eisini standa nógvar altjóða kappingar fyri einstaklingar fyri framman. Til altjóða kappingarnr sum verða á Glasir frá 22-24 mars síggja vit longu nú, stóran áhuga frá útlandinum, og hava fólk úr 8 ymiskum londum longu boða frá, at tey koma hendanvegin. 


Endurtøka av FM finalunum
Í kappingini hjá kvinnum stóð finalan ímillum FM finalistarnir frá í fjør, Beintu Joensen úr KDF og Maibritt Hvíthamar úr HDF. Serliga Maibritt hevði ígjøgnum dagin víst rættiliga styrki, og hevði hon aðrenn finaluna bert tapt 3 sett á degnum. Og byrjaði finalan eisini sum hon ætlaði, Maibritt kom á odda 3-0 og alt tyktist avgjørt, í fjórða setti misti Maibritt fleiri dystarpílar og megnaði Beinta at berja seg uppá 3-3. Sjenda og avgerðandi setti bleiv eitt ordiligt nervaspæl, har baðar fylgdust allan vegin niður og vóru fleiri dystaravgerðandi pílar mistir. Endin var at Beinta vann 4-3, ein ordiliga spennandi finala ið vísti at vit kunnu síggja fram til eitt spennandi kappingarár hjá kvinnum. 


Hjá monnum er kappingin skipa soleiðis at spælt verður í einum A bólki og einum B bólki, har teir meir royndu leikarnir spæla fyri seg, ímeðan teir nyggju og teir ið ikki hava støði spæla í B bólkinum. 21 mans vóru í A bólkinum, og sóu vit nógv gott spæl og allarflestu av dystunum, høvdu miðaltøl uppá yvir 70, og onkrir av dystunum nærkaðist teimum 90 í snitt. Finalan bleiv ímillum Una Árting og Jan McIntosh úr HDF. Uni lat ongan iva verða um, at hann í løtuni er okkara besti spælari og vann dystin 7-3. Um hugt verður eftir tað ið leikarnir løgdu eftir seg í ársins fyrstu kapping, so hava vit ikki sað so høgt støði í Føroyum fyrr, og fleiri leikarar kunnu koma at geva harða kapping í ár. 


Finalan í B bólkinum var ímillum Benny Hansen úr D16 og Egin Hallgrímsson úr ADF. Benny hevur seinasta árið víst at hann hevur støði til A bólkin, og vann hann eisini trygt finaluna 5-1, hetta var fyrsta finalan hjá Egin, sum er ein nyggjur dartspælari og hann kunnu vit vænta at síggja nógv til í framtíðini. Næsta opna kapping verður 9 mars
´Úrslitini av ársins fyrstu kapping 
Kvinnur 
Nr 1 Beinta Joensen KDF 
Nr 2 Maibritt Hvíthamar HDF 
Nr 3 Jóna Miðalberg KDF 
Nr 3 Kristbjørg Reinert Vesturklett VDF
Menn A
Nr 1 Uni Árting HDF 
Nr 2 Jan McIntosh HDF 
Nr 3 Petur Thomsen D16 
Nr 3 Jan Erik Fjallstein VDF 
Menn B
Nr 1 Benny Hansen D16 
Nr 2 Egin Hallgrímsson ADF 
Nr 3 Jóannes Árting HDF 
Nr 3 Jógvan Olivur Kallsoy EDF 

Lýsing
Seinastu tíðindini
Hálvur klaksvík­ingur søkti KÍ
Nýtt forfólk í Pedagog­felagnum
Søren Pape Poulsen deyður
Lønin avgerandi fyri brúkiliga bjarginga…
Haakon Lunov: KÍ er liðugt at keypa inn
Upptakt: KÍ-HB
Uriah Heep kemur til Klaksvíkar
Kunningarstovan á ferð í Norð­oyggjum
Móttøka í Vágum fyri fyrsta føroyska far…
Á pall fyri fyrstu ferð
Opið hús á Tekniska skúla
Prógvhandan á Yrkisnámi
Veðrið um vikuskiftið
Aðalfundur Norðoya Fornminna­felag 2024
217 ára gomul føroysk kvinnu­troyggja fun…
Magne Hoseth: Tað kom sum eitt sjokk
Magne Hoseth fekk 50 dagar - uppsagdur
Samstarvsavtala millum Sunda kommunu og…
Hugnaløta í kirkju­kjallarinum
Bátafelagið á Torradøgunum