Víkingur líkist einum liði, sum í ár fer at geva KÍ sína harðastu mótstøðu síðani 2021, tá KÍ byrjaði tíðarskeiðið við at vinna FM trý ár á rað. FM-kappingin tykist meira opin enn undanfarnu ár. Tí Víkingur sendi KÍ norður aftur við einum 4-1 tapi og hóast talan er um venjingardyst, so var tað bara í miðverjuni, at KÍ var skert á manningarsíðuni við serliga skadda Odmar Færø, meðan Víkingur hevur skaðar á sínar tveir vandamiklastu leikarar í álopspartinum í Sølva Vatnhamar og Olafi Bárðasyni. Annars líktust liðini sterkastu manningunum.

Talan var annars um ein javnan dyst í stórum pørtum, men Víkingar vóru munandi skarpari og so hevði Ari í H. Petersen í KÍ-málinum ein óhepnan leiklut í fleiri av málunum. Dysturin vísti, at KÍ hevur nógv at arbeiða við, serliga í verjupartinum og hetta var ein ávaring til KÍ um, hvat kann verða í væntu í ár, um liðið fellir í stigi.

Leygardagin spælir KÍ sín síðsta venjingardyst, tá B68 vitjar í Klaksvík.

KÍ: (4-2-3-1) Ari í H. Petersen – Jóannes K. Danielsen, Símun Kalsø, Heini Vatnsdal, Patrick Da Silva – Jákup B. Andreasen, Dan í Soylu, René S. Joensen – Árni Frederiksberg, Páll A. Klettskarð, Mads B. Mikkelsen. Í seinna hálvleiki komu m.a. Dávid B. Andreasen, Pætur Petersen, Jóhan Josephsen og Jákup N. Vilhelmsen á vøllin.