Í kvøld taka kvinnurnar hjá Stjørnuni í móti VÍF. Hetta er samstundis seinasti heimadystur i innleiðandi kappingini. Stjørnan hevur ein teoretiskan møguleika at kvalifisera seg til endaspælið, men so skulu báðir teir seinastu dystirnir vinnast, t.v.s. ímóti VÍF í kvøld og so seinasti dysturin, sum er á útivølli ímóti StÍF.     

Tað hevur ikki gingið væl hjá Stjørnuni í hesum kappingarinum. Mina og Tóra hava lítið og onki leikt í ár orsaka av barnsburði, og vegna serligar umstøður hevur Jancy ikki leikt serliga nógv. Fyri at styrkja um liðið, komu tveir útlendskir leikarar til, men tað var ikki væl eydnað, og endaði tað við, at leikarnir fóru avaftur landinum fyri jól. Eftir jól fór Sonja til Danmarkar í lestrarørindum, so fortreytirnar hava ikki verið tær bestu. Síðani árskiftið hava fleiri av yngru leikarunum fingið møguleikan, og hava tær staðið seg rímiliga væl, og hava ment seg nógv.                                                                                                                                                           

Dysturin í kvøld verður bríkslaður í gongd kl. 18.30.