Lýsing
Lýsing
Lýsing

Fingu stuðul frá Tekniska Skúla

SKRIVAÐ: Oliver Joensen  |  24.03.2024 - 15:17 Ítrottur Mentan Myndarøð Tíðindi Vinna

Umborð á "Nónhamar", Fjalshamar ella Helenu, komu seks lærlingar og ein lærari frá Klaksvíkar Tekniska Skúla. Ørindini vóru at hjálpa til at gera Nónhamar kláran at verða søktur á havsins botn.

Í tøttum samstarvi við myndugleikarnar, hevur ein bólkur av áhuganum arbeitt við at reinsa Nónhamar fyri alt tilfar, ið ikki er burðardygt at søkkja á havsins botn. Orsøkin er, at áhugabólkurin hevur ætlanir um eitt projekt á Borðoyarvík út fyri bygdini á Oyri, har Nónhamar skal vera ein partur afturat Reynsmúla, sum varð søktur har fyri skjótt átta árum síðani, at skapa áhugaverdari umstøður at menna tilgongdina av fiski, skeljadjórðum, vøksturi og øðrum livandi verum, ið liva á Borðoyarvík.

Oliver Joensen og Jógvan Olsen hava arbeitt umborð síðani í oktober 2023. Nú er komið so mikið langt, at brúgvin, bestikkrúmið, øll kømuri, gallan, kabyssin, kahyttin, undir bakkanum, frystilastin og kølilastin eru reinsað fyri alt, ið verður mett dálkandi.

Hol er sett á skottið ímillum lastina og maskinrúmið. Nú stendur fyri framman at tøma maskinrúmið fyri alt dálkandi og tað var júst hetta, teir seks ungu lærlingarnir og lærari teirra, Ernst á Kósini  vóru komnir umborð til fríggjadagin, at hjálpa okkum við.

Vit báðir Jógvan eru teimum sera takksamir fyri stóru hjálpina. Hesir ungu standa fyri at skula evna sínar sveinaroyndir til á Tekniska Skúlanum eftir páskir, so teir fáa góð ynskir frá okkum á vegnum.

Áhugabólkurin Reynsmúli hevur limirnar Norðoya Froskmannafelag, Mekanor v. Kjartan Hansen, Kav v. Vilhelm Hansen, Kaving v. Brian Nýggjagarð, Faroe Dive v. Janus Joensen og Á Hædd v. Oliver Joensen.

Reynsmúla fingu vit frá Jógvan Olsen, ið átti skipið tá. Fyri umleið tveimum árum síðani játtaði Hanus Hansen okkum Nónhamar, Fjalshamar ella Helenu, sum er seinasta navnið á Nónhamri. Nónhamar varð bygdur á Skála í 1964 til Innistovumenninar við John Richard Klakkstein, sála, sum stjóra tá.

Lýsing
Seinastu tíðindini
Varpið fær tríggjar milliónir krónur
Nordic Music Camp í Føroyum
Atlantic Airways 36 mió. í avlopi í fjør
Á floti sunnanfyri í gjár
Meira hjálp frá lærlingum
Eldrahugni í Betesda
Atlantic Fair nærkast
Nær verða skaddu KÍ-leikarar­nir aftur?
Útistovuhagin: Lembingin byrjað
Ein øgiligur munur á viðferð
Gadus fór nýggjan túr í kvøld
Toppdystur í Klaksvík í kvøld
Varpið avhendað
Dragin til umvælingar í Danmark
Skrúvuguds­tænasta í Christians­kirkjuni
Gøtudals­tunnil, nú!
Áhugafelagið Spinnarríið hevur aðalfund
Fleiri ymisk skeið innan vitlíki
Góða gongdin hjá J&K Petersen heldur fra…
- Vit mugu virða ta gomlu søguna og tað…