Frá skapan til Ábraham – bíbliutímar til allar aldrar
Í tíðarskeiðinum frá 8. apríl til 13. mai verður Berøa í Saltangará karmur um bíbliutíma-røðina "Frá skapan til Ábraham", har øll eru vælkomin at luttaka, sum ynskja at koma at kenna orð Guds og HARRAN betur og soleiðis vaksa andaliga – bæði ung og eldri.
Undir heitinum "Hvat lærir orð Guds?" skipar Petur á Roykheyggi saman við øðrum fyri bíbliutímum um ymisk evni og tíðarskeið í orði Guds.
Komandi 6 vikurnar – frá 6. apríl til 13. mai – verðurfyrsta røðin, har evnið er “Frá skapan til Ábraham”. Talan er um seks fylgjandi mánakvøld kl. 19:30-21:00 og tveir leygardagar fyrrapart kl. 10:00-13:00.
Røðin er henda:
Mán. 08-04: Skapanin, 1. partur (skapanarverkið) – Pætur M. Hansen
Mán. 15-04: Skapanin, 2. partur
(menniskjað) – Jens Bech
Leyg. 20-04: Syndafallið og avleiðingarnar av tí
– Ingvard Petersen
Mán. 22-04: Nóa
– Petur á Roykheyggi
Mán. 29-04: Nóa í Nýggja testamenti
– Karl Jóhan Nielsen
Leyg. 04-05: Ábram – lyfti og sáttmáli Guds
– Oddfríður Petersen
Mán. 06-05: Ábram og Lot
– John Færø
Mán. 13-05: Lív Ábrahams
– Gunnar Nielsen
Mánakvøldini verða tveir bíbliutímar við einum drekkamunni ímillum, og leygarmorgnarnar verða tríggir bíbliutímar við ávíkavist einum drekkamunni og einari máltíð ímillum.
Hjartaliga vælkomin í Berøa – ung sum eldri.