Stóra felagskórið leggur fyri við at framføra nøkur verk, undir leiðslu av kenda bretska kórleiðaranum, Michael Bawtree.

Síðani fara ikki minni enn 19 kór úr øllum landinum at framføra, fyri hvørjum øðrum, fyri áhoyrarunum, og ikki minst fyri eini dómsnevnd, sum skal meta kórini.

Kórini, sum luttaka í Kórstevnuni, verða mett eftir hesum eyðkennum:

A: Intónatión: Stig verða givin fyri intónatión pr. sang

B: Ljóðgóðska hjá kórinum: Stig verða givin fyri eina heildarmeting av hvussu kórið ljóðar.

C: Tulking: Stig verða givin fyri hvussu kórið tulkar tey einstøku kórverkini.

D: Heildarmeting: Stig verða givin fyri eina heildarmeting av framførsluni tað er t.d. úttrykk, koreografi, útstráling osfr.

Kórini sum eru teknaði til kórstevnuna eru hesi:

Suð, Vágakórið, Vestmanna Sangkór, Tórshavnar Manskór, Glymur, Ljómur, Eystanljóð, Fuglafjarðar Sangkór, Stranda Sangkór, Klaksvíkar Manskór, Xperiment, Havnarkórið, Tórshavnar Kamarkór, Gøtu Kirkju Ungdómskór, Brak, Tarira, Silvitni, Morgunkórið, Kórið í Christianskirkjuni.

Atgongumerki fáast á atgongumerki.fo.