Í ár er nýggja stásiliga Varpið karmur um kórstevnuna!
Aftur í ár er kendi organisturin, Michael Bawtree her og stjórnar stóra felagskórinum.
Tveir spennandi kórdagar eru fyri framman í Varpinum, sum tit kunnu gleða tykkum til!
Michael Bawtree er væl kendur í m.a. Fuglafirði og hevur verið har oftani í kórhøpi.
Eitt stórt felagskór vandi í kvøld frá kl. 18 – 21, har um ein 270 glaðir kórsangara vóru við. Her kanst tú lesa eitt sindur meir um Varpið
Kórið stóð ikki á pall, men sat í teimum deiligu stólunum, har tú situr so rúmliga og væl – og enn einaferð var hesin kendi organisturin og kórleiðari fegin um frálíku umstøðurnar. Hann fekk eina gjølliga og drúgva rundvísing í húsinum, og vildi fegin koma aftur við onkrum spennandi tónleikatyssi uttan úr heimi.
Í morgin er ein drúgv kórvenjing, sum byrjar longu kl. 9.30, har heili 20 kór skulu á pallin. Sjálv konsertin byrjar kl. 16.30 og eftir tað verður tann stóra kórveitslan.
Jú, ikki kann sigast annað, enn at vit hava stóra góða kór-siðvenju í Føroyum.
Kórsambandið takkar Varpinum, Klaksvíkar Manskóri, Kórinum í Christianskirkjuni og SUÐ fyri gott samstarv í sambandi við kórstevnuna.