Lýsing
Lýsing
Lýsing

- Vit mugu virða ta gomlu søguna og tað sindri, sum enn stendur eftir

SKRIVAÐ: Annika S. Biskopstø, Býráðslimur í Klaksvík  |  17.04.2024 - 11:41 Myndarøð Politikkur Tíðindaskriv

Tað harmar meg almikið, at 140 ára gomlu húsini hjá Niels í Horni í hesum døgum verða tikin niður

 

Sjálv havi eg á býráðsfundi talað at og atkvøtt ímóti hesi avgerð, og roynt at grundgivið fyri, at húsini, sum eru eitt av teimum elstu húsunum í Klaksvík, eiga at verða varðveitt, uttan at eigararnir á nakran hátt skulu hava fíggjarligan miss av hesum.

Hetta er meiri ein spurningur um vilja og hugflog hjá avvarandi mynduleikum, tá ið gomlu húsini í Horni í Klaksvík nú skulu takast niður.

Í hesi løtu grætur móðir Danmark um missin av tí mentanarríka Børsinum. Og fyri nøkrum árum, tá ið Notre Dame stóð í ljósum loga, var nærum landasorg í Frankaríki.

Við eitt sindur betri politiskum handverki og vilja, so ivist eg onga løtu í, at vit í Klaksvík kundu verið komin til eina semju við bæði friðingarmynduleikar og eigararnar av hesum gamla og prýðiliga gróthúsi frá 1883 og latið tað komið til heiður og æru.
 Sjálvandi skulu vit hugsa frameftir og góðtaka at ætlanir eru so ymiskar. Men fólkalívið, ið eina ferð var, eru varðar á leiðini og eisini týdningarmikil partur av okkara samleika og mentanararvi. 

Vit mugu virða ta gomlu søguna og tað sindri, sum enn stendur eftir.

Eg vil enn einaferð gera vart við, at mær ikki dámar hendan bulldosara ella grótknúsarapolitikkin, har alt sum stendur fyri má falla.  

Men meirilutin ræður. Tó eg loyvi mær at ivast, um flest altíð merkir best.


Annika S. Biskopstø
Býráðslimur í Klaksvík

Lýsing
Seinastu tíðindini
Stýrir Sambands­flokku­rin í veruleika­num…
Espen Haug verður nýggjur høvuðsvenjari…
Fríggja­dagin kom út verkið Tættir og tei…
Svenskur verjuleikari til KÍ
Nýggj bók – Saman um samkomuna
Straight Ahead heiðraðir
Jóhan Josephsen er nú toppskjútti í 1.de…
Almenn móttøka í sambandi við 3 Tesla MR…
Kom og hoyr Sangkórið í Betesda og um le…
Hetta er mítt HJÁLPARTÓL!
Varpið brakaði saman við Straight Ahead!
Myndarøð: Heiðurs­konsert fyri Straight A…
Jørgin Dahl fekk Listavirðisløn Nólsoyar…
Nýggj kanning: Hvat halda føroyingar um…
Fólka­flokku­rin: Skattgjalda­rin hevur upp…
Petur Larsen yvirskot í 2023
Býráðið í rangstøðu á Djúpumýru
Brúka so bara bussin
Hvat er trupulleikin ?
Fíggjar­mála­ráðið keypir KT-skipan fyri 1…
Lýsing