Lýsing
Lýsing
Lýsing

Tessa á OY Voxbotn 2024

SKRIVAÐ: Jóhann Lützen  |  20.04.2024 - 07:00 Mentan Tíðindi

Sera vælumtókta Tessa verður við til OY Voxbotn 2024, og vænta fyriskiparirnir eitt brak av eini konsert 29.juni.

 

Theresa Ann Fallesen er navnið handan listafólkanavnið Tessa. Hon er nú ein tónleikari ið hevur vunnið fleiri virðislønir, men leiðina fram til stóra pallin hevur hon sjálv skapað.

Á Instagram vanga sínum byrjaði Tessa at leggja videobrot út, har hon rappaði og vísti fram tekstir, sum hon sjálv hevur skrivað. Hetta førdi við sær, at hon bygdi upp ein fjepparaskarða á alnótini, áðrenn nakar sangur varð útgivin og tá fyrsta staklag hennara kom út, bleiv tað ógvuliga væl móttikið. Hon hevur við tíðini vunnið fleiri virðislønir, ein sjónvarpssending er gjørd um hennara lív - har tey fylgja henni á ferðini frá at vera heimleys til at blíva ein stjørna - og er hon í dag ein av størstu kvinnuligu rapparunum í Danmark nakrantíð.

 

Ungu árini hjá Tessu vóru ikki altíð so løtt. Hon er blivin illa happað í fólkaskúlanum og bleiv sum tannáringur hópneyðtikin. Hetta førdi við sær ógvuliga avbjóðandi ár fyri ungu gentuna, sum nøkur ár eftir bleiv tikin fyri at stjala og endaði sum heimleys í nærum tvey ár. Júst hesa lívssøguna og hendingarnar hon hevur verið í gjøgnum, letur hon erliga upp fyri í tekstum sínum og er hon blivin kend fyri, at lata áhoyraran hoyra veruleikan uttan nakra fasadu. Orkufyltu framførslur hennara eru eisini eitt eyðkenni og eru fyriskiparirnir tísskil sera spentir uppá at hoyra hana í Vágsbotni, mitt í Havn. Fleiri av løgum hennara hava ligið ovaliga á hittlistum, og munnu tey flestu ungu, duga at rappa við til okkurt lag hennara. Løgini TCM, Ben og Blæstegnen hava verið nógv at hoyrt, eisini í Føroyum.

 

Frammanundan er greitt, at Justin Jesso, Peter A.G, Tobias Rahim, Gobs og Nick Carter koma á ársins Voxbotn 2024. Hetta verður stórt, ja møguliga størsta Voxbotn nakrantíð. 

Lýsing
Seinastu tíðindini
Stýrir Sambands­flokku­rin í veruleika­num…
Espen Haug verður nýggjur høvuðsvenjari…
Fríggja­dagin kom út verkið Tættir og tei…
Svenskur verjuleikari til KÍ
Nýggj bók – Saman um samkomuna
Straight Ahead heiðraðir
Jóhan Josephsen er nú toppskjútti í 1.de…
Almenn móttøka í sambandi við 3 Tesla MR…
Kom og hoyr Sangkórið í Betesda og um le…
Hetta er mítt HJÁLPARTÓL!
Varpið brakaði saman við Straight Ahead!
Myndarøð: Heiðurs­konsert fyri Straight A…
Jørgin Dahl fekk Listavirðisløn Nólsoyar…
Nýggj kanning: Hvat halda føroyingar um…
Fólka­flokku­rin: Skattgjalda­rin hevur upp…
Petur Larsen yvirskot í 2023
Býráðið í rangstøðu á Djúpumýru
Brúka so bara bussin
Hvat er trupulleikin ?
Fíggjar­mála­ráðið keypir KT-skipan fyri 1…
Lýsing