KÍ skal í kvøld reisa seg eftir tapið móti HB síðsta sunnudag.

Tað er stórt trýst á KÍ undan dagsins dysti, tí KÍ haltar longu seks stig aftanfyri Víking og HB í toppstríðnum. Skaðarnir eru nógvir og avrikini hava sum heild verið lítið sannførandi hjá føroyameistarunum. B68 hevur eitt stig, men hevur alt at vinna hendan dystin. Undan kappingini spældu liðini ein venjingardyst við fáum málmøguleikum, sum KÍ vann 1-0.

Hjá KÍ verður málmansskiftið. Tí Ari í H. Petersen spældi við 1.deild í gjár. Sostatt spælir Mark F. Jensen sín fyrsta heimadyst fyri KÍ. Hjá KÍ eru Hallur Hansson, Heini Vatnsdal og Odmar Færø langtíðarskaddir. Síðani eru tað Cedric Yambere, Claes Kronberg og Patrick Da Silva, sum eru skaddir. Síðani eru tað Jákup B. Andreasen, Mads Bo Mikkelsen, Jonn Johannessen og Deni Pavlovic, sum antin ikki spældu ella ikki fingu fullført síðsta dyst. Tað er møguleiki fyri, at onkrir av teimum fáa ein leiklut hesaferð. Hjá B68 hava flest allir leikarar verið tøkir síðstu tíðina.

Dysturin í Klaksvík í kvøld byrjar kl. 18.30.