Lýsing
Lýsing
Lýsing
Á miðnátt náttina til týsdag 14. mai fara 4 fakfeløg í verkfall

Her rakar verkfallið

SKRIVAÐ: Jóhann Lützen  |  11.05.2024 - 20:09 Tíðindi Vinna

Norðlýsið hevur hugt at, hvørji øki verða rakt, nú Føroya Arbeiðarafelag, Havnar Arbeiðarafelag, Klaksvíkar Arbeiðsmannafelag og Klaksvíkar Arbeiðskvinnufelag fara í verkfall.

 

 

Feløgini siga í fráboðan, at verkfallið, sum byrjar kl. 00:00 náttina til týsdag, innan primervinnuna rakar arbeiðsfólk í uppsjóvarvinnuni, alivinnuni og á fiskavirkjum umframt tey, ið fáast við lossing. Jørð- og betongarbeiði verður somuleiðis lagt stilt, eins og vegarbeiði, havnararbeiði og tunnilsarbeiði. 

Í flutningsvinnuni verða trailara-førarar, lastbilaførarar, bussførarar og tangabilførarar ikki til arbeiðis týsdagin og so leingi, verkfallið varir. Sagt varð í fyrstuni, at ruskinnsavningin verður rakt, men Per Martin Gregersen, formaður í Kommunufelagnum, avsannar hetta og sigur, at kommunala sáttmálaøkið ikki verður rakt. Tað merkir, at hvørki SEV ella IRF fara í verkfall.

Starvsfólk í byggivinnuni, vaktarfólk, heilsølufólk, fólk í matstovuvinnuni, hotellvinnuni og goymslustarvsfólk leggja somuleiðis arbeiðið niður frá miðnátt náttina til týsdag at rokna, og eisini arbeiðsfólk hjá landinum. Tað verður við øðrum orðum ikki bert privati sektorurin, ið verður raktur. 

Eisini leggja vaskifólk arbeiðið niður, um tey eru í einum av omanfyrinevndu fakfeløgunum, meðan nevnt verður í fráboðan, at tað einans er galdandi fyri vaskifólk uttan fyri Havnina. Føroya Arbeiðarafelag nevnir í sama viðfangi, at dagrøktarar ikki eru umfataðar.

Tað er ikki heilt greitt, um tað við “bussførarar” meinast allir, men Føroya Arbeiðarafelag skrivar á Facebook, at um tað er umfatað av Busssáttmálanum, so er tað eisini umfatað av verkfallinum. Enn hava SSL/Bygdaleiðir og tær báðar bussleiðirnar ikki boðað frá, um ella hvussu verkfallið rakar tey, men tað kemur helst í næstum.

Ein annar spurningur, sum framvegis er ósvaraður, men sum helst verður svaraður í næstum, er, hvussu leingi stovnar og arbeiðspláss, sum ikki verða vaskað, kunnu haldast opin. 

Gerast skal vart við, at Havnar Arbeiðskvinnufelag ikki er partur av verkfallinum, tí felagið samráðist fyri seg.

Lýsing
Seinastu tíðindini
Stýrir Sambands­flokku­rin í veruleika­num…
Espen Haug verður nýggjur høvuðsvenjari…
Fríggja­dagin kom út verkið Tættir og tei…
Svenskur verjuleikari til KÍ
Nýggj bók – Saman um samkomuna
Straight Ahead heiðraðir
Jóhan Josephsen er nú toppskjútti í 1.de…
Almenn móttøka í sambandi við 3 Tesla MR…
Kom og hoyr Sangkórið í Betesda og um le…
Hetta er mítt HJÁLPARTÓL!
Varpið brakaði saman við Straight Ahead!
Myndarøð: Heiðurs­konsert fyri Straight A…
Jørgin Dahl fekk Listavirðisløn Nólsoyar…
Nýggj kanning: Hvat halda føroyingar um…
Fólka­flokku­rin: Skattgjalda­rin hevur upp…
Petur Larsen yvirskot í 2023
Býráðið í rangstøðu á Djúpumýru
Brúka so bara bussin
Hvat er trupulleikin ?
Fíggjar­mála­ráðið keypir KT-skipan fyri 1…
Lýsing