Lýsing
Lýsing
Lýsing

GroAqua bygt fóðurflaka til MOWI

SKRIVAÐ: Jóhann Lützen  |  04.06.2024 - 14:55 Myndarøð Tíðindi Vinna

Føroyska felagið GroAqua hevur bygt ein n‎ý‎ggjan fóðurflaka til MOWI í Føroyum. Talan er um ein stóran fóðurflaka, sum kann taka 1.000 tons av fóðri og kann fóðra 16 aliringar stamstundis. Flakin er 39 m langur og 13 m breiður.

 

 

Sáttmálin um hesa stóru verkætlan bleiv undirskrivaður av GroAqua og MOWI í juni í fjør, og fóðurflakin bleiv latin til tíðina sambært sáttmálanum.  

 

- Vit hava arbeitt tætt og væl saman við starvsfólkum hjá MOWI síðstu 11 mánaðirnar í samband við hesa stóru verkætlan, sigur Ólavur Thomsen, sum vegna GroAqua hevur gingið á odda við at projektera og byggja hendan fóðurflakan. Eg eri errin av, at okkara dugnaligu starvsfólk í Føroyum og Pólandi hava megna at projektera og byggja ein so stóran fóðurflaka innan so stutta tíð.  

 

Tað er felagið hjá GroAqua í Pólandi, sum hevur bygt flakan, og verkætlanar leiðslan hevur ligið í Føroyum. Skipanirnar umborð eru mentar í GroAqua á Kambsdali. Framkomnu skipanirnar eru sjálvirkandi og kunnu fjarst‎ýrast frá landi.

 

- Tá vit gera nýggjar íløgur er tað umráðandi fyri okkum, at hesar eisini taka hædd fyri umhvørvinum, har hesar koma at virka sigur Steffan Gaard, aliformaður hjá MOWI. Tískil hava vit gjørt flakan kláran til at taka landstreym, samstundis sum vit hava ljóðbjálva útgerð umborð, so flakin so at siga ikki órógvar nærumhvørvið. Við n‎ýggja flakanum verður møguleiki at fóðra allar ringarnar samstundis og ger hetta alingina so effektiva sum møguligt.

 

GroAqua er ein føroysk fyritøka við omanfyri 100 fólkum í starvi, sum menna og framleiða tøkni og KT skipanir til alivinnuna. Felagið hevur deildir í Føroyum, Norra, Skotlandi, Pólandi og Danmark.

Lýsing
Seinastu tíðindini
Hava skrivað undir sáttmála um liðugtger…
Nú eru dystirnir hjá KÍ móti Differdange…
Eg skilji ikki, at ungir menn ikki halda…
Vónin samtakið er í vøkstri
Burturkastkunngerðin er longur burtur nú…
Joan Kannuberg sett sum einalærari í Hús…
Tá Jøkul varð sjósettur
Greining: Útlendsku starvs­fólk­ini stóran…
Nýggj frímerki frá Posta í dag, 24. juni
Klaksvík­ingur fekk debut í bestu deildin…
Tað gráa gullið – nýti arbeiðsmeg­ina hjá…
Hvør er Joseph Michael Williams?
Málninga­framsýning við Elisabeth á Bakka…
KÍ er nú endaliga úti av FM-stríðnum
KÍ fingið styrk til álopspartin
Hetta var ikki okkara dagur - KÍ tapti 0…
18 mánaðir – har vit hava loyst hvønn da…
Upptakt: HB-KÍ
Seinastu sluppir­nar í Klaksvík fóru alla…
120 børn á Másheyggi