Hetta verður forkunnungt!

Frændur hava verið millum kendastu og best umtóktu tónleikabólkum í Føroyum, síðan teir góvu út fyrstu LP-plátu teirra ‘Saman Við Tær’ í 1984.

Teir koma úr Klaksvík . Manningin í bólkinum hevur verið nakað skiftandi, men kjarnin hevur altíð verið Steintór Rasmussen og brøðurnir Rani Nolsøe og Eyðun Nolsøe. Umframt frá Frændur, kenna vit teir í dag eisini sum dugnaligar einstaklingar, ið allir hava givið út løg hvør sær. 

Flestu føroyingar munnu hava minnir um hugnaligar løtur, har sangir frá Frændum hava verið partur av løtuni, antin á konsertpallinum, í útvarpinum ella saman við einum kassaguittara og felagssangi.  Tað góða lagið fer ongantíð av móta og tað hava Frændur prógvað, nú teir í fýra áratíggju hava givið út  løg omaná løg, ið nærum eru vorðin fólkaogn.

Vit kenna løgini Føroyar, Eros, Mítt Land, Uttanumtos, Sangur til frælsi, Lívsmynd, 80’ini, Hundurin brúni og øll hini, og gleða okkum til Frændur fara at yvirtaka Havnargøtur 26.juli 2024.