Í Klaksvík hava vit eina lítla farstøð, sum illa hóskar til miðbýin. Hon er ikki bara lítil, men skitin og hevur ongar tænastur. Hon er als ikki innbjóðandi hjá ferðandi, og fari eg at arbeiða fyri at Klaksvíkin fær eina nýggja modernaða farstøð! Farstøðin hevur nógv at siga. Farstøðin er knútapunktið fyri almennu ferðsluna í Norðoyggjum. Har steðgar býbussurin og bussarnir hjá Bygdaleiðum. Tað fyrsta ferðafólkið sær í Klaksvík er farstøðin. Børn og ung bíða eisini eftir bussinum við farstøðina. Tað kann ikki verða rætt at tey skulu bíða inni í skitnum bíðihøli sum tekur ov lítið av fólki. Fólk siga, at tey ungu gera herverk inni á farstøðini, men so skal man gera okkurt við tað. Síðani farstøðin kom, hevur býráðið ikki gjørt nakað fyri at betra um hana. Tað undrar meg stórliga,og tað er stór skomm fyri Klaksvíkina. 

Farstøðin hevur nógv at siga.

Farstøðin er knútapunktið fyri almennu ferðsluna í Norðoyggjum. Har steðgar býbussurin og bussarnir hjá Bygdaleiðum. Tað fyrsta ferðafólkið sær í Klaksvík er farstøðin. Børn og ung bíða eisini eftir bussinum við farstøðina. Tað kann ikki verða rætt at tey skulu bíða inni í skitnum bíðihøli sum tekur ov lítið av fólki. Fólk siga, at tey ungu gera herverk inni á farstøðini, men so skal man gera okkurt við tað. Síðani farstøðin kom,  hevur býráðið ikki gjørt nakað fyri at betra um hana. Tað undrar meg stórliga,og tað er stór skomm fyri Klaksvíkina. 

 
Ferðavinnan skal blóma í Klaksvík.

Hotel Klaksvík verður bygt næsta ár, og tað fer at gera góðan mun fyri ferðavinnuna í Klaksvík og Norðoyggjum sum heild. Vit skulu fyrireika okkum upp á, at ferðafólkatalið økist, og tí skulu vit hava eina nýggja farstøð, sum sømir seg fyri næststórsta bý í Føroyum! 

Petur Asano

Miðflokkurin