Espren Haug bleiv í kvøld kunngjørdur sum venjari hjá KÍ í 2024 og 2025. At hann bleiv venjari restina av 2024 er neyvan óvæntað fyri mong, tí tað eru fleiri mánaðir síðani, at Norðlýsið skrivaði, at tað var sannlíkt.

Hinvegin er tað óvæntað fyri mong, at Espen eisini er settur fyri 2025. Tí KÍ hevur ikki sæð serliga sannførandi út, hóast tað kanska hevur verið framgongd frá farna venjara. Av níggju dystum er ein dystur, sum kann bólkast sum sannførandi sigur. Tað var tá KÍ vann 4-0 á heimavølli móti botnliðnum B68. Og av trimum dystum móti teimum báðum fremstu liðunum hevur KÍ tapt tveir.

Eins og við Magna Hoseth og Haakon Lunov, so hevur KÍ ikki raðfest venjararoyndir frá høgum stigi. Espen Haug hevur nógv flestar royndir frá 3. bestu deildini í Norra og síðani nøkur kappingarár í 4. bestu deildini í Norra. Í 2016 var hann venjari sítt einasta ár í næstbestu deildini, tá hansara lið endaði aftast í næstbestu deildini og flutti niður. Sí venjararoyndir niðanfyri.