Í kvøld verður dystur millum nr. 3 og 5 í Klaksvík.

KÍ fær vitjan av B36. Liðini hava spælt ein innanhýsis dyst í ár, sum B36 í Gundadali vann 2-0. Nú er Magne Hoseth venjari hjá B36 og Espen Haug hjá KÍ.

Hjá KÍ eru Odmar Færø, Heini Vatnsdal, Hallur Hansson, Jákup B. Andreasen, Mads Bo Mikkelsen, Jonn Johannessen og Jóhan Josephsen ikki tøkir vegna skaðar, meðan Deni Pavlovic hevur leikbann. Kristoffer Ødemarksbakken er ikki komin til landið enn. Ivamál er um René S. Joensen, sum ikki var við seinast. Hinvegin eru Ahmed Latif og Jákup N. Vilhelmsen tøkir aftur eftir leikbann.

Hyggja vit eftir síðsta dysti hjá B36, so manglaði liðið Andrass Johansen, Zean Dalugge, Jelle Van Der Heyden og Vilmer Rønnberg.

Dysturin við Djúpumýrar byrjar kl. 18.30. Dómari verður Jákup Ø. Mohr.