Norðingur fekk besta startin og hevði leiðsluna allan vegin hóast bæði Klaksvíkingur og Nólsoyar Páll fylgdu væl við fyrsta partin av teininum. Klaksvíkingur tóktist byrja uppá endaspurtin fyrr enn Norðingur og hótti við at taka leiðsluna, men Norðingur svaraði aftur og vann við knappari hálvari bátslongd. 

Sostatt vann Norðingur ólavsøkuróðurin fyri fyrstu ferð í nýggjari tíð. Hetta var eisini teirra annar sigur á rað. Stóri vinnarin fyri árið var Klaksvíkingur, sum bara ikki skuldi hava kort á ólavsøku. Tað fekk hann ikki og vann sostatt FM 4. árið á rað og fyri 11. ferð samanlagt.

Fípan Fagra við dreingjum 14-16 ár vann ólavsøkuróðurin og harvið allar róðrarnar í ár.