Í dag spælir KÍ fyrsta landskappingardyst eftir summarsteðgin frá landskappingini.

KÍ hevur undan summarsteðginum spælt seg í eina støðu, har liðið mest sannlíkt er úti av FM-stríðnum og tí spælir fyri at røkka 2. plássi, sum kanska gevur eitt pláss í 2. umfari í Conference League treytað av, at Víkingur vinnur greipuna.

07 Vestur hevur havt nakað av útskifting í summar. Liðið hevur fingið tilgongd av m.a. einum leikara frá Bosnia & Hersegovina, men leygarkvøldið hevði hann ikki fingið loyvini uppá pláss.

Hjá KÍ hevur Árni Frederiksberg leikbann, meðan Jákup B. Andreasen er skaddur. Ivamál er um Mads Bo Mikkelsen, Deni Pavlovic og Odmar Færø.

Dysturin í Sørvági byrjar kl. 15.00. Dómari verður Eiler Rasmussen.