Morgunin byrjaði við kassabilakoyring, góðum mati, hugnaligum dussi, kramarísi í útikaféini í Miðstaðarlundini, andlitsmáling, spælikrókur, hugni og drekka í Siloa, søluframsýning í skúlanum, ræstkjøtasúpan og bónsasúpan á Muntra, matmarknaður á Mentanartorginum og rættiliga nógv annað.

Umvegis regnskjólsgøtuna, har tey seldu grannakaffi og vaflur, var farið í kirkju til konsert hjá unga orgulsnillinginum, Ari Hammer Joensen.

Hann spældi fleiri kend stykki av Bach og Buxtehude - So væl var spælt og klappað, at Ari mátti finna nótarnar fram aftur til eitt eykanummar, brot úr Toccata og Fuga í D.

So omanaftur gjøgnum lundina, har hópin av fólki nutu tað góða veðrið og góða prátið.

Inni í Ribarhúsi var fullsett av áhoyrarum til konsertina hjá Mariu og Benjamin. So fullsett at fleiri teir heldur settu seg uttanfyri at njóta veðrið, við leivdum av konsertini afturvið.

Kvøldið er langt og nógv er at fara til. Somuleiðis í morgin, sunnudagin, har m.a. ”Úr leikum og løgum hjá Frits – Fjøllini, fjørðurin og innasta hugfarið” við Bárður og Maria á Lakjuni, sum framføra saman við tónleikarum og Fuglafjarðar Gentukóri í Mentanarhúsið kl. 19.00.

Meir um skránna her