Sjálvandi lá leiðin niðan í Bíbliu-savnið hjá Petur Martin Petersen, sum m.a. hevði vitjan av trimum vinmonnum, sum gingu í 9. flokki og vóru rættiliga áhugaðir í søgu.

So mikið áhugaðir vóru teir, at teir høvdu tíð og hug at lýða á, meðan Petur Martin greiddi frá og tað raplaði við árstølum og kongarekkjum og ymisk tíðarskeiðum, bíbliurnar hoyrdu til.

Tá ið hesir ungu søgunørdarnir takkaðu fyri seg, tók Petur Martin í hondina á teimum og takkaði teimum hjartliga fyri vitjanina, sum hevði verið til stóran sóma fyri Petur Martin – at onkrir ungdómar eisini høvdu áhuga í hansara ítrivi.

Jú, altíð hugaligt at støkka inn á gólvið hjá Unnu og Petur Martin, sum eisini Max Cecil Weihe neyt gott av hesa løtuna.