Í kvøld spælir KÍ play-off dyst í Conference League á Tórsvølli.

Sostatt er talan um ein sera týdningarmiklan dyst, tí samlaði vinnarin kemur í Conference League deildina.

Hjá KÍ eru fleiri ivamál í verjupartinum. Odmar Færø og Deni Pavlovic fóru skaddir av vøllinum seinast, meðan Alexander Berntsson og Heini Vatnsdal eisini hava drigist við skaðar. Onkur av hesum væntast at blíva tøkur. Jákup B. Andreasen og Claes Kronberg eru framvegis skaddir, men Claes er byrjaður at renna uttan bólt. Frameftir vøllinum sær gott út hjá KÍ, tí allir teir álopskendu leikararnir eru tøkir, eisini Mads Bo Mikkelsen og Jonn Johannessen.

Dysturin á Tórsvølli byrjar kl. 19.45. Dómari verður Lawrence Visser úr Belgia.