Upptakt: KÍ-EB/Streymur
Í dag fær KÍ eina av uppgávunum, sum søguliga sæð vísa seg at verða rættuliga truplar.
Tað er tá KÍ spælir landskappingardystir millum altjóða dystir, at KÍ stórt sæð altíð hevur tað strævið. Teir dystir sum verða vunnir verða sjáldan vunnir meir enn akkurát. Ein orsøk er, at tað verður mett neyðugt er at gera nógvar broytingar á liðnum fyri at varðveita ein góðan møguleika til altjóða dystirnar, og hesaferð kann væntast, at teir flestu leikararnir, sum skulu byrja hósdagin, ikki verða við frá byrjan. Seinast vóru Jákup B. Andreasen, Claes Kronberg, Deni Pavlovic, Heini vatnsdal og Odmar Færø uttanfyri við skaðum og hesaferð verður neyvan satsa við nøkrum teirra.
Hjá EB/Streymi eru fleiri klaksvíkingar í hópinum og onkrir teirra eru leigaðir. Hóast UEFA ikki loyvir, at lið nokta liðum at brúka útleigaðar leikarar móti egnum felag, so gera liðini onkuntíð innanhýsis avtalir um hetta, men sum skilst er eingin slík avtala fyri KÍ-leikararnar, sum tí kunnu spæla eins og ÍF-leikararnir gjørdu fyrr í summar.
Dysturin í Klaksvík byrjar kl. 15.00. Dómari verður Svend Funder úr Danmark.