Varpið keypt besta flyglið frá Steinway
- Hetta hevur verið ein drúgv tilgongd, sum hevur vart í eini tvey ár, har vit hava arbeitt við at keypa eitt flygul til nýggja mentanarhúsið, Varpið í Klaksvík, sigur Dávur Winther, mentanarleiðari í Klaksvíkar kommunu við morgunsendingina í Krinvarpinum.
- Vit hava keypt tað størsta og flottasta konsertflyglið frá Steinway - eitt sokallað D 274 við innbygdari Spiri R-tøkni, sigur Dávur.
Steinway Spirio er ein skipan, har tvey flygul kunnu spæla saman - skilt á tann hátt, at ein klaverleikari kann sita í Sydney og spæla á flygilið í Varpinum í Klaksvík.
Hetta gevur fleiri møguleikar, millum annað til konsertir ella undirvísing, sigur Dávur Winther, sum eisini er skrivari í Grunninum, Mentanarhús í Klaksvík, ið byggir Varpið - og sum nú keypir hetta snotiliga og spennandi flyglið.
Nýggja Steinway flygilið kostar um tvær milliónir krónur og er fíggjað við grunnum og stuðlum.