Tað eru eftirhondini nøkur ár siðani, at stig vórðu tikin at spæla bobb í Smæruni. Tiltakið er fyri 60+. Higartil eru tað bert menn, sum eru møttir upp, men konufólk eru eisini vælkomin. Undirtøkan hevur verið góð. Hvørt týskvøld frá kl. 18.30 til uml. kl. 21.00 í tíðini frá uml. fyrsta september til uml. hálvan juni eru millum 15 og 20 manns møttir upp, og hava teir hugna sær óført. Spælt verður fyrst í uml. ein tíma, so er kaffistegður. Í steðginum gongur prátið listiliga, av og á er eisini spurnarkapping ímillum kaffiborðini. Síðani verður aftur bobba eina løtu.

Eftir summarsteðgin verður byrjað aftur nú týskvøldið.