B36, HB og Víkingur hava meir enn tvífalt so nógvar U-landsliðsleikarar sum KÍ á mannfólkasíðuni.

U19 er elsta landsliðið, har ungdómsleikarar spæla og tí sigur tað nakað um støðuna í ungdómsfótbólti, meðan U21 bara umfatar leikarar í bestu deildini.

U19, U17 og U16 eru nýliga úttikin, meðan U15 seinast var úttikið í apríl. U15 verður aftur úttikið til kapping síðst í oktober.

Fyri tey trý elstu U-landsliðini, sum eru komandi árgangir, ið skulu banka uppá bestu deildina, er støðan ikki góð hjá KÍ, tí har eru tað bara brøðurnir Dánjal Müller (málverji) og Páll Müller (álopsleikari), sum eru úttiknir. Teir eru synir hjá fyrrverandi KÍ-málverjunum Annu Müller og Meinhardt P. Joensen. Samanlagt fyri U19, U17 og U16 eru tað sjey feløg, ið hava fleiri U-landsliðsleikarar enn KÍ.