KÍ hevði nógvar leikarar frá hópinum hjá besta liðnum frá byrjan, og tók tí dystin í álvara, tí vann KÍ ikki hendan dystin, so var niðurflyting ein góður møguleiki. KÍ byrjaði eisini væl, men uppá fyrsta møguleika skoraði FC Hoyvík uppá væl spælt skjótálop. KÍ svaraði aftur við málum frá Dávid B. Andreasen og Dan í Soylu.

Í hálvleikinum og sum dysturin gekk, blivu leikarar frá Betri-hópinum útskiftir. FC Hoyvík var nógv betra liðið í seinna hálvleiki og minst tríggjar ferðir raktu hoyvíkingar stengurnar. Ari í Haraldsstovu Petersen spældi ein góðan dyst og endin var, at KÍ vann 2-1, hóast tað als ikki var í tráð við málmøguleikarnar í seinna hálvleiki.

Sigurin hjá KÍ hevði stóran týdning, tí nú hevur KÍ fýra stig niður til FC Hoyvík. Men sum FC Hoyvík spældi í dag, so skal KÍ helst hava onkran sigur afturat fyri at halda sær í deildini, og nú eru bara tvey umfør eftir, har leikarar eldri enn 21 ár kunnu flyta niður. Tí eigur KÍ at senda eins nógvar leikarar niður komandi tveir dystirnar, um felagið ynskir at varðveita 1.deild.