Eitt djúpt lágtrýst stendur í ein útsynning úr Føroyum, og eitt brúgvalag haðani nærkaðist. Hampuligut veður, til tað var yvir okkum við vindi og nógvum regni. Í Hvannasundi tók tað leyst í hvirlunum, og glaðurnar fyltu sundið.

Lágtrýstið fer at mynda veðrið her í Føroyum í dag og í nátt. Fyrrapartin í morgin er tað farið norðurum, og so kemur eitt annað uppaftur djúpari lágtrýst. Tað fer at nærkast sunnudagin, men tað kemur ikki allan vegin til okkara, tíbetur – tí ordiligt illveður er rundan um tað.

Veðrið um vikuskiftið:

Upp í 19 m/s av suðuri, samdrigið og regn. Í kvøld fer hann at minka niður í 8 til 13 m/s, skýggjað og okkurt ælið. Hitin í dag upp í 12 stig.

Í morgin enn sunnan, 10 til 15 m/s, samdrigið og okkurt ælið til nakað út á seinnapartin. So fer at minka. Um kvøldið fer hann í útsynning, 8 til 13 m/s, skýggjað og okkurt ælið. Hitin millum 7 og 11 stig.

Sunnudagin 8 til 15 m/s av landsynningi, at byrja við hálvskýggjað og turt, men sum frá líður samdrigið og regn sunnaneftir. Seinni eitt sindur klárari, og hann minkar vindin niður í 5 til 10 m/s av ymsum ættum. Hitin 8 til 11 stig.

Gott vikuskifti.