Eitt av mínum hjartamálum, er eitt nútímans spælipláss til borgaran norðanfyri Jørundsgøtu.  
Í løtuni hava vit fýra spælipláss á eystaru síðu í Klaksvík. Kráargøtu, Jørundsgøtu, Blákolluni og undir Grashjalla. Blákollan er upptikin hvønn dag millum 7.30 - 17. Børnini, sum búgva á Stangavegnum, Skáltavegnum, Garðavegnum og Túvuvegi hava ongastaðni at fara í frítíðini. Um tey vilja á eitt spælipláss eina lítla løtu, mugu tey ein busstúr til tað nærmasta spæliplássið. 

Tí vil eg gera mítt fyri, at vit fáa eitt nýtt spælipláss norðanfyri Jørundsgøtu. Vit tosa ikki um tað allarstørsta, men okkurt, sum børnini kunnu fara til í einari stuttari gangifrástøðu, soleiðis at tey eru í “nabolagnum”. 
Spælipláss til koyristólsbrúkarar 

Men tað, sum vit veruliga hava brúk fyri er eitt splælipláss til okkara borgarar, sum sita í koyristóli. Vit hava ein miðbý sum stendur í ger og sum fer at blóma innan nøkur fá ár. Tað er upplagt at gera eitt spælipláss mitt í hjartanum. Vit hava longu skoytubreytina og riggar tað fantastiskt. Eitt stórt pluss fyri býarmyndina var, at vit høvdu eitt spælipláss har eisini.

Sum skilst, so hava vit fyri einum árið síðani fingið eina reiggju til koyristólsbrúkarar. Men hevur hon ligið á einum parkeringsøki, innpakka og óbrúkt. Lat okkum pakka hana út og seta hana upp sum skjótast.  

Sum sagt, allir vegir føra til Rom. Her koma nógv ferðandi til býin og Norðoyggjar sum heild. Lat okkum geva teimum eitt satt upplivisli beinavegin, tey traðka út úr bussinum. 
  
Lonnie Bengtsen 
Valevni – Listi D