Tað vóru framskygdar kreftir í eystur eysturoy og norðoyggjum sum undan 1898 tóku stig til Klaksvíkar Sjúkrahús. Tey sóu veruliga tørvin á einum vælvirkandi sjúkrahúsi í økinum. SÍðani hava eisini verið stór tøk tikin, og viðhvørt kampir, til frama fyri at varðveita okkara góða sjúkrahús.

Vinnulívið og aðrar góðar kreftir síggja eisini týdningin av at okkara sjúkrahús er og verður útbygt og er vælfungerandi. Tað er tann nýggi skannarin eitt gott dømi um.

Og vit skulu halda á. Klaksvíkar Sjúkrahús skal verjarst, útbyggjast og mennast.

Norðoya Røktarheim eigur at verða flutt á annað pláss og í tí sambandi at verða nýtímansgjørt og útbygt. Bygningurin eigur so at verða lætin Klaksvíkar Sjúkrahúsi í eini avtalu sum gagnar báðum pørtum.

Tað arbeiða eini 170 fólk á Klaksvíkar Sjukrahúsi í dag. Tað sigur seg sjalvt at hetta sæst aftur í økinum sum ein útjavning frá miðstaðarøkinum. Vit eiga at fara eftir enn fleiri sergreinum soleiðis at vit fáa enn fleiri vitanarstørv í øki.

Tað gagnar okkum øllum.

Frímund Hansen