Tá verða dystirnir í fjórða umfari í landskappingini í talvi í øllum fýra deildum spældir. 

Hetta er seinasta leikumfar fyri jól. 

 

Havnarmenn og klaksvíkingar

Toppdysturin í morgin verður í Skákinum á Akursmørk í Klaksvík. Har bresta klaksvíkingar og havnarmenn saman.

Føroyameistarnir hjá Havnar Telvingarfelag eru á odda eftir trý umfør, men vágamenn og klaksvíkingar eru í hølunum á teimum.

Sandavágsmenn, sum liggja ímillum havnarmenn og klaksvíkingar, hava heimadyst móti øðrum liði hjá Klaksvíkar Talvfelag.

Triði dysturin verður botnbrak í Kollafirði, har annað lið hjá Havnini vitjar.

 

1 deild (4 umfar) 24 november 
Klaksvík (A) - Havnin (A)
Sandavágur - Klaksvík (B)
Kollafjørður - Havnin (B)

 

Støðan í 1 deild
Havnin (A)  10½ stig
Sandavágur 9
Klaksvík (A)  7½
Klaksvík (B) 4½
Kollafjørður 2½
Havnin (B) 2

 

Javnir í 2. deild

Lítil munur er á liðunum í 2 deild.  Tey seks liðini tykjast toluliga jøvnsterk. Vágamenn eru á odda og munnu ætla sær upp aftur í bestu deildina við einum liði aftrat, men kanska kunnu bæði toftamenn og runavíkingar geva teimum ein skarpan gang í teirri kappingini.

 

2 deild (4 umfar)
Sandavágur - Havnin (B)
Toftir - Klaksvík
Havnin (A) - Kongshavn (Runavík)

 

 

Støðan í 2 deild
Sandavágur 7 stig
Klaksvík 7
Havnin 6½
Toftir 6
Kongshavn 5
Havnin B 4½

 

Tríggir um boðið

Í 3 deild tykist dysturin um uppflyting at standa millum sundalagsmenn í Róki, vestmenningar og gøtumenn.

Toppdysturin stendur millum Gøtu og Rók. 

3 deild (4 umfar)
Gøta - Rókur
Kollafjørður - Havnin
Sandavágur - Vestmanna

 

Støðan í 3 deild
Rókur 10 stig
Vestmanna 7½
Gøta 7
Kollafjørður 5
Havnin 4
Sandavágur 2½

 

Suðuroyingar og strandingar bjóða av

Í 4 deild eru tíggju lið. Her eru bara tvey umfør farin enn, so enn er ov tíðliga at koma við nøkrum spádómi. Men líkt er til, at tvey av nýggju feløgunum, Strendur og Suðuroy, halda seg framat í oddanum. Í morgin verður telvað soleiðis:

4 deild (3 umfar)
Gøta - Sandavágur (B)
Strendur (A) - Klaksvík
Rókur - Havnin
Toftir - Sandavágur
Strendur (B) - Suðuroy

 

Støðan í 4 deild
Klaksvík 6½
Strendur 6
Suðuroy 5
Sandavágur B. 5
Sandavágur A. 4½
Gøta 4
Toftir 2
Havnin 1
Strendur B. 1

Allir talvdystirnir byrja klokkan 14.