Klaksvíkar Talvfelag tvey umboð til NM
Hvørt ár sendir Talvsamband Føroya 10 børn og ung til Norðurlendska Meistaraskapið í talvi, sum í 2025 verður um miðan februar í Íslandi. Kappast verður í 5 bólkum, hvar tey umboð frá hvørjum norðurlandi eru í hvørjum bólki.
Úttøkan í Føroyum er skipað við tveimum undankappingum og einari finalu. 8 teir bestu telvararnir í hvørjum bólki sleppa í finaluna og 2. teir bestu telvararnir í finaluni sleppa at umboða Føroyar í februar 2025.
Í finaluni í gjár, sum Stranda Talvfelag var vertur fyri, eydnaðist tað Rógva Heinason Olsen og Róki Davidsen at enda millum 2 teir bestu, og harvið rættin at umboða Føroyar í februar.
Rógvi gjørdi ikki mætari enn at vinna elsta bólkin og fer Rógvi saman við verandi føroyameistara Luitjen A. Apol út Havnar Talvfelag at vera føroysku umboðini í eldsta bólkinum.
Rókur endaði javnur á 2. plássi í næstelsta bólkinum, so har mátti umdystur til. Her var Rókur við yvirlutan. Petur G. Magnussen úr Havnar Talvfelag vann hendan bólkin.
Rókur hevur verið til hesar kappingarnar nakrar ferð áður, meðan hettar er fystu ferð at Rógvi fer at umboða Føroyar. Tillukku við úttøkuni og bestu eydnu í kappingini!