Hjálmar Arnold Højgaard, skipari

ættaður av Heyggi, Húsar, bústiandi í Klaksvík

* 12.02.33       † 08.05.24

andaðist og varð jarðaður.

Takk til bæði KS og LS fyri góða móttøku, røkt og vinsemi móti honum.

Takk til Hanus á Gørðum fyri vakra og hátíðarliga bírætting; har tað kendist, sum at himmalin kom til okkum øll.

Somuleiðis ynskja vit at takka Marjuni Lómaklett fyri góð orð í Christianskirkjuni til jarðarferðina.

Kirkjutænarum, teknikara, berarum, sangarum og gravara takka vit hjartaliga fyri tænastuna, ið tit veittu.

Takk til Christianskirkjuna fyri lán av kirkjukjallaranum, so vit kundu hava ervi har.

Eisini ynskja vit at takka tykkum í køkinum, og tykkum, sum stílaðu fyri og tóku ímóti í kirkjukjallaranum.

 Takk til øll tykkum, sum komu inn á gólvið. Takk fyri allar telefonuppringingar, heilsanir, bakstur til ervi, blómur og kransar.

Minnisgávurnar, ið vórðu latnar til Húsa kirkju, takka vit so hjartaliga fyri.

Takk til Heimatænastuna fyri at tit tóku tykkum so væl av honum og fyri, at tit vóru so góð við hann.

Takk til tykkum, sum plagdu at støkka inn á gólvið hjá honum til eitt hugnaligt prát og drekkamunn. Tað var hann sera glaður fyri.

Familjunum báðum, sum vóru so góð við hann á so mangan hátt, vilja vit veita eina serliga tøkk.

Til seinast vilja vit takka tykkum mongu, sum komu og fylgdu honum til hansara seinasta hvíldarstað her á fold.

Somuleiðis vilja vit ynskja øllum eini gleðilig jól og eitt av Harranum signað nýggjár við hesi heilsan úr halgubók:

Lukas 2, 11 sigur: Tí at tykkum er í dag ein frelsari føddur, sum er Harrin Kristus í Dávids staði!

Familjunar vegna

Hans Elias, Mary Maria og Jóhanna