Tað hevur verið ógreitt, um Kristoffer Ødemarksbakken fór at halda fram ella ikki. Sáttmálin gekk út, men hann var ein leikari, sum í fleiri dystum gjørdi mun og KÍ hevur ikki avskrivað at halda fram við samstarvinum. Men nú er endaliga greitt, at norski leikarin ikki kemur aftur til Føroyar.

Hetta er 8. leikarin, sum er farin úr hópinum frá seinnu hálvu í fjør:

Frágongd:

Cédric Yambéré

Ari í Haraldsstovu Petersen

Dan í Soylu

Patrick Da Silva

Heini Vatnsdal

Albert Ejupi

Alexander Berntsson

Kristoffer Ødemarksbakken

Afturat hesum hevur ivamál verið um Pætur Petersen og Joseph Michael Williams, sum báðir hava sáttmála við KÍ. Pætur var millum leikararnar, sum møttu í gjár, tá fyrsta felagsvenjing var. Hinvegin var einki at síggja til Joseph Michael Williams og sum skilst fer hann at royndarvenja uttanlands komandi vikurnar. Tí er óvist, um hann verður partur av KÍ, hóast hann hevur sáttmála fyri 2025 og 2026.