Tað var longu í 1968, at Kvartettin í Betesda byrjaði at syngja, og síðani hevur hesin sangbólkur verið virkin og er tað enn í dag. Hóast menn ikki eru heilt ungir longur, so venja teir framvegis regluliga, og ferðast kring landið við sangum um gleðiboðskapin, sum ber av øllum.

Sunnukvøldið 12. januar vitjar Kvartettin samkomuna Hermon í Norðdepli saman við tónleikarunum, sum eru undir leiðslu av Jógvani Mortensen.

Umframt kvartettina og nógvan góðan felagssang fara Jóhan við Neyst og Eyðfinn Reyðberg at hava hvør sítt stutt orð.

Kvartettin letur heilsa, at teir vóna at síggja mong í Hermon sunnukvøldið kl. 18 – hjartaliga vælkomin