Tað gjørdist ein rættiliga spennandi og undirhaldandi dystur, tá kvinnurnar hjá Stjørnuni og VÍF brustu saman í KÍ-høllini í kvøld. At talan var um topp og botn sást ikki. Tað gekk ógvuliga javnt á allan fyrra hálvleik, tó var tað Stjørnan sum hevði munin, og kundu tær fara til hálvleiks við eini leiðslu uppá 13-10.

Hóast byrjanin av seinna hálvlleiki ikki var góð hjá Stjørnuni, góðu tær ikki upp. Nógvu mistøk hjá Stjørnuni í álopspartinum kostaðu dyrt, og tá seinni hálvleikur var hálvrunnin, var støðan 21-15 til VÍF, men stjørnukvinnurnar fullu ikki í fátt, og spakuliga fingu tær minkað um leiðsluna hjá VÍF, og tá góðir tveir minuttir vóru eftir at leika, var leiðslan hjá VÍF minkað til tvey mál, støðan var tá 25-23 til VÍF, og rættiligur spenningur var í dystinum. Hóast Stjørnan hevði møguleika at minka enn meira um leiðsluna hjá VÍF, so komu tær ikki nærri,  og endaði dysturin við einum 28-24 sigri til VÍF.

Hóast tapið, so var tað nógv positivt í dystinum, stjørnuleikarnir saman við venjarunum kunnu taka við sær til næsta dyst.

Eitt sermerkt við dystinum var, at Stjørnan fekk rættiliga nógv brotskøst, og skoraði Durita Ljóstein uppá tey øll. Tað vóru serliga Mina Sirdal Hendriksen og Tóra Eliasen við teirra sterku gjøgnumbrotskravt, sum blivu steðgaðar óregluliga, og fingu brotskast.

Málini hjá Stjørnuni skutu: Durita Ljóstein 15, Mina Sirdal Hendriksen 5, Jancy J. Poulsen 3 og Tóra Eliasen 1